O Movemento Aceh Libre (en indonesio: Gerakan Aceh Merdeka; en achinés: Geurakan Acèh Meurdèka / Gěrakan Aceh Měrdeka[1] foi un movemento independentista que buscaba a soberanía da rexión de Aceh, da illa de Sumatra, en Indonesia. O Movemento Aceh Libre loitou contra forzas de goberno indonesio na coñecida como insurxencia de Aceh dende o ano 1976 até 2005, na cal se calcula que morreron unhas 15 000 persoas.[2]
A organización desistiu das súas intencións independentistas e disolveu a súa banda armada logo dos acordos de paz de 2005 co goberno indonesio, e posteriormente cambiou o seu nome a Comité de Transición de Aceh (en indonesio: Komite Peralihan Aceh).